НОВИ САД – У єденастим тогорочним чишлє новинох „Руске слово” рубрика „Тижньовнїк” пише о наиходзацих общих виберанкох, а тема того числа права трошительох.
„Нашо места” зазначели доставанє помоци од наших людзох з Канади наменєней керестурскому ФК „Русин”, ту и актуалносци з општини Шид, а на бокох „Економиї” искуства и роздумованя коцурских продуковательох цукровей цвикли, як и напис о адаптованю Лєтнєй владическей резиденциї у Шидзе.
„Култура и просвита” пише о початних розгваркох вязаних за представянє Руснацох у Етноґрафским музею у Беоґрадзе, о премиєри представи Драмского студия „АРТ” Дому култури у Руским Керестуре, а ту и звити зоз смотрох рецитаторох.
Рубрика „Людзе, роки, живот” у сериї написох з назву „З другого боку творчосци” представя Владимира Кочиша з Дюрдьова, док „Духовни живот” пише о пририхтованю Керестурцох за Вельку ноц, як и початку Велького посту у других парохийох Еґзархату.
„Спорт” зазначел початок ярнєй часци першенства за керестурских фодбалерох, остатнї пририхтуюци змаганя коцурских и дюрдьовских фодбалских клубох, а як додаток вишол „Дом и фамелия”, дзе и нова „Женоблоґия”.