НОВИ САД – У двацец другим тогорочним чишлє новинох „Руске слово” у рубрики „Тижньовнїк” мож пречитац як представена наша култура у Словацкей и Польскей, а тема рубрики велька акция пораєня Вербасу.
„Нашо места” приноша звит з означованя Дня керестурскей Школи, ту и вистки з ОШ у Коцуре, як и резултати з Републичного змаганя зоз сербского як нємацеринского язика. На тей рубрики и звити з конститутивней схадзки Скупштини општини Кула, та порядней СО Вербас.
По искуствох єдней дюрдьовскей фамелиї, „Економия” пише чи ше виплаци занїмац з хованьом швиньох, а з керестурску, „Култура и просвита” закончує тему о упису школярох до штреднєй школи.
На бокох „Култури и просвити” и резултати з Републичного змаганя з руского язика, информация о активносцох Наталиї Будинсковей як „Особи математики”, док „Мозаїк” пише о програми „Дзе(нь) младосц(и)” у РКЦ у Новим Садзе.
На „Духовним живоце” тексти о означованю Водицового тижня и Першей причасци у керестурскей и миклошевскей парохиї, а „Людзе, роки, живот” читачом представяю познатого керестурского професора физики Евґения Медєша Генца.
На „Спорту”, медзи иншим, „Руске” пише о госцованю керестурских спортистох у Перечину у України, о фестивалє фодбалу за дзивчата у Коцуре, як и о условийох за бавенє дзецох у жабельскей општини. Додаток у тим чишлє „Литературне слово”.