НОВИ САД – У трицец пиятим тогорочним чишлє новинох „Руске слово”, „Тижньовнїк” пише о менованю нових членох до Школского одбору керестурскей Школи и о пририхтованьох за перши „Русин филм фестивал” у Шидзе.
Рубрика „Нашо места”, медзи иншим, анализує кельо значна енерґетска ефикасносц у зогриваню обисцох, а „Економия” актуалну тему у Руским Керестуре – бриґи з пласманом и предаваньом паприґи.
На бокох „Култури и просвити” огляднуце на два отримани манифестациї – Днї рускей култури у Беоґрадзе и Културну манифестацию „Миклошевци 2016”.
„Мозаїк” читачом преноши атмосферу зоз Манифестациї „Дюрдьов отвореного шерца”, док рубрика „Людзе, роки, живот” ище раз актуализує положенє мацеринского язика националних меншинох.
На „Духовним живоце” пише о тим як означени кирбаї у Коцуре, Бикичу и Индїї, а ту и вистки з других парохийох.
„Спорт” приноши резултати з наших лиґох у фодбалу, а додаток у тим чишлє „Руске слово у швеце”.