НОВИ САД – Тогорочне трицец дзевяте число новинох „Руске слово” на бокох „Тижньовнїку” пише о женским поднїмательстве, а рубрика „Нашо места”, медзи иншим, информує о стретнуцу писательох у Керестуре и преслави Кирбаю у Дюрдьове.
На бокох „Економиї” напис о продукциї меду у Дюрдьове, док на бокох „Култури и просвити” звити о успиху керестурскей школярки на Европским змаганю з транспорту у Праги, як и з госцованя РНТ „Петро Ризнич Дядя” у Словацкей.
„Духовни живот” пише о виронауки у нашим Апостолским еґзархату, а на бокох рубрики „Людзе, роки, живот” интересантни напис о Марленки Орлович з Канади, котра подаровала кнїжки до керестурскей Школи.
„Спорт” зазначел резултати у подручних фодбалских лиґох дзе ше змагаю екипи з наших местох, а понука и текст о навиячох керестурского ФК „Русин”.
У тим чишлє додатки „Руске слово у швеце” и „Медзипростор за кафу и виключеня”.