У новим „Руским слове”

автор ядю
1.1k Опатрене

НОВИ САД – У штерацец седмим тогорочним чишлє новинох „Руске слово” рубрика „Тижньовнїк” понука розгварку з предсидательом Вивершного одбору Националного совиту Руснацох Жельком Ковачом, а спатра и кризу аматеризму у Коцуре.

„Нашо места”, медзи иншим, информую о пририхтованьох за Централну преславу националного швета Руснацох у Бикичу, о поставяню витрозащитного пасу у вербаскей општини, док на бокох „Економиї” пише о шатви жита у шидским и керестурским хотаре и о єшеньских роботох у Новим Орахове.

„Култура и просвита” зазначела програми у рамикох Културней манифестациї „Костельникова єшень” и означованя 70-рочнїци роботи Руского културного центру у Новим Садзе, а рубрика „Людзе, роки, живот” читачох упознава з Керестурцом Мироном Рамачом и малженску пару Пап з Винковцох. „Мозаїк” свойо боки пошвецел „Литературиюму” у Новим Садзе и Балу младих у Дюрдьове.

„Духовни живот” зазначел як парохиянє у Ґосподнїцох и Беркасове преславели Кирбай, а на „Спорту” призначени и резултати столнотенисерох и шахистох керестурского „Русину”, дзе и розгварка з алпинистом и горяком Звонимиром Кочишом.

ПОВЯЗАНИ ТЕКСТИ