У новим „Руским слове”

автор ядю
802 Опатрене

НОВИ САД – У двацец штвартим чишлє, у рубрикох „Уводнїк”, „Анатомия нашого часу”, „Тижньовнїк” и „Людзе, роки, живот” зазначене як НВУ „Руске слово” означела 70-рочнїцу виходзеня новинох „Руске слово”.

Рубрика „Тижньовнїк” понука и интервю з Николом Бертолинийом, шефом Оддзелєня за преширенє Европскей униї.

На бокох рубрики „Нашо места” пише о диґитализованю културного скарбу, на тот завод фотоґрафийох у Руским Керестуре, а на цалим боку и анкета з нашима читачами „Руского”. Ту и вистки о вецей гуманитарних акцийох.

„Економия” пише о продукциї грушкох у Руским Керестуре и продукциї желєняви у Ґосподїнцох.

„Култура и просвита” зазначела як прешол Фестивал „Веселинка” у Новим Садзе  и цаловечарши концерт у КПД „Карпати” у Вербаше, як и семинар за танєчнїкох и хореоґрафох у Руским Керестуре.

Боки рубрики „Людзе, роки, живот” упознаваю читачох з Ирину Олеяр, професорку музики з Руского Керестура, а „Мозаїк” з креативку Биляну Дудаш и єй интересатнима ручнима роботами.

„Духовни живот” пише о пиятим Медзинародним инклузивним хорским фестивалу у Новим Садзе, и о Першей причасци хтору прияли дзеци у Коцуре и Старим Вербаше. Ту и вистка о стретнуцу „Слово живота” у Керестуре.

„Спортски” бок з часци пошвецени змаганю „Атлетска яр” за предшколцох у Вербаше, та змаганю керестурских и петровских ветеранох у фодбалє. Як додаток вишло „Руске слово у швеце”.

 

ПОВЯЗАНИ ТЕКСТИ