НОВИ САД – У тогорочним штернастим чишлє новинох „Руске слово” рубрика „Тижньовнїк“ пише о самозанятосци, о снованю Пододбору за демоґрафию Националного совиту Руснацох, як и о пременкох на чолє Координациї националних совитох националних меншинох у Сербиї.
Рубрика „Нашо места” пише о законченю главного пречисцовача води Кула-Вербас, о помоци Општини Вербас дружтвом и орґанизацийом, о поставяню нових транспортних знакох у Дюрдьове, та о порцийней ефикасносци у Сербиї. Рубрика „Економия”, медзи иншим, пише о нових правилох у декларованю продуктох.
О Мемориялним вечаре хтори бул пошвецени Силвестерови Дорокхазийови у Коцуре, новим чишлє часопису „Шветлосц”, о двох премиєрох дзецинских представох, та о Медзиокружним змаганю з руского язика и Вельконоцним концерту у Руским Керестуре, пише на бокох рубрики „Култура и просвита”.
„Духовни живот” зазначел як преславена Велька ноц у Керестуре и Квитна нєдзеля у других наших парохийох, док „Мозаїк” приноши розгварку з керестурскима матурантками – учашнїцами Европскей математичней конференциї „ЕВРОМАТ” у Атини.
На бокох рубрики „Людзе, роки, живот” представени Владимир Михальовски, професийни вояк у Войску Сербиї з Дюрдьова, а ту и штварте предлуженє фельтону о двох рочнїцох нашей Установи.
„Спорт”, медзи иншим, пише о успиху керестурских каратистох на змаганю у Бачу, а представя и коцурского рибара Юлияна Мученския.