НОВИ САД – Рубрика „Тижньовнїк“ у новим чишлє „Руского слова” пише о нащиви делеґациї Пряшовского самоуправного краю Скупшини Войводини, о конституованю Одбору за образованє Националного совиту, як и о запланованих општинских буджетох за тот рок.
На бокох „Наших местох” мож пречитац о схадзки Совиту Месней заєднїци у Руским Керестуре, о менованю нового директора у керестурскей школи, як и о схадзкох Управного одбору Рускей матки и Скупштини Здруженя паприґарох.
Рубрика „Економия” пише о преподаваньох за паприґарох у Керестуре и почежкосцох у статкарстве з хторима ше зочує и Михал Михальовски з Дюрдьова.
„Култура и просвита” понука звити з рочних схадзкох КПД „Дюра Киш” у Шидзе и КУД „Тарас Шевченко” у Дюрдьове, з нащиви представительох Министерства просвити нашому Националному совиту, а представени и активносци Дома култури у Руским Керестуре.
Рубрика „Духовни живот” информує же о вирских темох мож слухац у рускей програми на Радио Шидзе, док на бокох рубрики „Людзе, роки, живот” представени тишлїр Владимир Уйфалуши з Вербасу.
На спортских бокох „Руске” пише о рочней Скупштини Спортского дружтва „Русин”, у Керестуре, а додаток у тим чишлє „Дом и фамелия”.