НОВИ САД – У рамикох тогорочного 14. Руского фестивалу малих сценских формох „Дюра Папгаргаї”, други дзень його отримованя, всоботу, 10. децембра, у Руским културним центре (РКЦ) у Новим Садзе отворени два подобово вистави – академскей малярки Гелени Сивч и Мариї Бесерменї.
Виставу Гелени Сивчовей отворели др Владимир Кирда Болхорвес, котри бешедовал о єй творчосци, и Ирина Папуґа, котра винєсла биоґрафски податки Сивчовей, док виставу Мариї Бесерменї представели директорка РКЦ Наташа Макї Мудрох и Миломир Шайтош, по руски и по сербски.
Мариї Бесерменї то перша самостойна вистава, а понеже є активни член РКЦ, гварела же єй барз мило же праве у тих просторийох мала нагоду отвориц свою першу самостойну виставу.
Фестивал закончени з виводзеньом двох монодрамох, по сербски и по руски – „Шветочни крачунски сукнї” Радомира Мильойковича, котри источашнє и ґлумец и режисер своєй монодрами, а хтора бешедує живоце дзецка воєного злодїя, мадярского учителя под час Другей шветовей войни, и „Пес мой найлєпши приятель” Владимира Кочиша, котри тиж и ґлумец и режисер тей монодрами.
Кочиш гварел же його монодрама жиє уж 17 роки, а бешедує о нашим живоце пред и по бомбардованю, о транзицийним чаше и знаходзеню як заробиц, лєбо як вижобрац пенєж за живот.