РУСКИ КЕРЕСТУР – На вчерайшим Купу „Нєґош” у Фекетичу, шицки шесцеро млади каратисти керестурского Русину, кельо участвовали на тим турниру, у борбох освоєли медалї.
У конкуренциї „надїйох” златну медалю освоєла Сара Планчак, стриберни Марина Надь и Мартина Рац, а бронзову Анамария Няради.
У конкуренциї пионирох, златни медалї освоєли Анастазия Фаркаш и Андрей Дудаш – дознава Рутенпрес од їх тренера Михала Ороса, котри у Фекетичу присуствовал и на семинаре за тренерох отриманим после змаганьох.
Карате клуб Русин того року означє два ювилеї – 40 роки присуства каратеу у Керестуре и 35-рочнїцу урядового снованя Карате клубу Русин. Шветочносц з нагоди означованя рочнїцох будзе на нєдзелю, 15. марца.