ОПШТИНА ШИД – У грекокатолїцких церквох у општини Шид вчера, 13. априла, на Квитну нєдзелю по традициї пошвецени багнїтки.
У Шидзе у церкви Преображеня Господнього парох о. Михайло Режак служел Службу Божу и на початку богослуженя пошвецел багнїтки хтори вирни потим тримали у рукох под час богослуженя.
Пошвецени багнїтки як символ Исусового привиту до Єрусалиму на Служби Божей у церкви Святого апостола и євангелисти Луки у Бачинцох пошвецел парох о. Дарко Рац.
У церкви Святого архангела Михаила у Беркасове и Успеня Пресвятей Богородици у Бикичу на Службох Божих багнїтки пошвецел парох о. Владимир Еделински Миколка.
