У Суботици трибина о медийох меншинох

автор зам
1.1k Опатрене

СУБОТИЦА – Здруженє новинарох „КРОинфо” („CROinfo”) нєшка у Суботици орґанизує Трибину-Семинар з назву „Виволаня меншинских медийох”.

На Трибини-Семинаре буду розпатрани теми о положеню и стану у меншинских медийох, їх проєктним финансованю, перспективох, одношеню держави спрам медншинских медийох, о улоги медийских здруженьох у реформох, о комерциялних капацитетох таких медийох.

Медзи викладачами и помоцнїк покраїнского секретара за културу и явне информованє Калман Кунтич, политични аналитичар Томислав Жиґманов, як и медийски фаховец Мирослав Кевежди, котри будзе бешедовац о модерних тенденцийох у новинарскей професиї и веб-новинарстве.

Трибина-Семинар почнє на 13 годзин у Завичайней ґалериї „Др Винко Перчич”.

ПОВЯЗАНИ ТЕКСТИ