ВЕРБАС – З нагоди наступних крачунских и новорочних шветох, дзецом котри тераз на лїченю у вербаским Общим шпиталю подзелєни пакецики. Традицийно, пакецики обезпечел священїк Євангелскей церкви з Коцура Александар Суботин, хтори послали дзеци з Голандиї.
Того року Суботин зоз сотруднїками нащивел и Амбуланту лоґопеда у Доме здравя „Велько Влахович”, та и дзецом котри хасную услуги тей служби подзелєл пакецики.
На дарункох Суботинови подзековала портпаролка Общого щпиталю Вербас Славица Отович.