НОВИ САД – У першей часци ютрейшого ТВ Маґазина будзе приказане як ше одвива акция ровнаня дильовох у Коцуре, у котрей участвовали коло 20 польопривреднїки з того валалу, а буду емитовани и прилоги о актуалносцох у козарстве и пчоларстве.
З нагоди дня лєсох, пририхтани прилог о полєшованю Войводини, як и звит зоз гуманитарного базару за Ваню Романа котри будзе отримани на нєдзелю 28. марца, у Дюрдьове.
Попри тих прилогох, патраче буду мац нагоду одпатриц розгварку зоз Мирославом Малацком и Сашом Палєнкашом о їх новим споту и писнї Пребач.