НОВИ САД – У найновшим Телевизийним маґазину увидзице прилог о наставнїци руского язика Леони Олеар котра того тижня достала припознанє своєй школи як найлєпша наставнїца у тим школским року.
Будземе емитовац и звит зоз стретнуца рецитаторох котре отримане того тижня у школи “Петро Кузмяк“ у Руским Керестуре.
Того року ше Медзинародни дзень планети Жеми означує под мотом Акция клими, зоз акцентом на пременки клими, а пошвецени є акцийом ушорйованя, младим и образованю. Єдна з таких акцийох отримана и у керестурскей школи.
Увидзице и як ше одвива обнова иконостасу грекокатолїцкей парохиї Святого Владимира у Новим Вербаше.
У часци котра пошвецена польопривреди будзе слово о овчарстве котре у нашей жеми дараз було екстензивне, алє у новшим чаше ше велї млади уключую до тей роботи. Дознаце вецей и о обставинох у овоцарстве.
Телевизийни маґазин на нєдзелю на 20 годзин.