У єденастим тогорочним „Руским слове”

автор  ядю
954 Опатрене

НОВИ САД – У тогорочним єденастим чишлє новинох „Руске слово” рубрика „Тижньовнїк” увагу дава приватизациї ЯП „Радио Шид”, а зазначена и нащива делеґациї Парламентарней скупштини Совиту Европи АП Войводини, як и сход на хторим ше бешедовало о витворйованю меншинских правох на локалним уровню.

„Нашо места” информую о акциї „Битка за породзилїща”, у хторей з тей нагоди значна медицинска опрема подарована Общому шпиталю у Вербаше, зазначени и актуалносци з Месней заєднїци Шид, потим з Коцура, Дюрдьова и Керестура, док „Економия” пише о референтней лабораториї за контролу поживи у нашей жеми, та о тогорочним садзеню бостану у дюрдьовским хотаре.

„Култура и просвита” ше занїма з тему злєпшованя стану у обласци култури, пише о премиєри представи „Врацим ше по вашо души” Драмского студия „АРТ” керестурского Дому култури, о Литературним вечаре у Шидзе, промоциї „Колядох РРЛ” у Коцуре, як и о посцигнутих успихох наших рецитаторох.

„Духовни живот” информує читачох о материялних проблемох з хторима ше стрета Християнски часопис „Дзвони”; рубрика „Людзе, роки, живот” упознава читачох з Петром Сивчом з Пишкуревцох, а на тих бокох почина и фельтон о двох ювилейох нашей Установи – 70 рокох „Руского слова” и 90 рокох „Руских новинох”, автора Дюру Латяка.

„Мозаїк” пише о младей фодбалерки Мелинди Сопка, котра ше школує у Америки, а на „Спорту” зазначена нащива покраїнскей секретарки за спорт општини Шид и снованє Горяцкого клубу у Вербаше. На тих бокох векша увага пошвецена керестурским каратистом, котри на окремни способ означели свойо два ювилеї. Як додаток вишол „Медзипростор за кафу и виключеня”.

 

ПОВЯЗАНИ ТЕКСТИ