Андреа Новак зоз Коцура ше почала занїмац з фотоґрафию у штреднєй школи, цо єй одредзело и дальшу професию, понеже є тераз закончуюци рок на Високей технїчней школи фаховних студийох у Новим Садзе, на напряме Применєна фотоґрафия.

Прето єй тота уметносц тераз уж вельо вецей од гобия.

Затераз ше єй найбаржей пачи фотоґрафовац портрети, алє ше ище вше пренаходзи у рижних обласцох фотоґрафиї. Модели єй найчастейше людзе зоз котрима найвецей препровадзує час.

Участвовала на рижних конкурсох, од хторих єй найзначнєйши „Еко + еко –” на хторим освоєла перше место и єй фотоґрафиї були виложени у музею у Вербаше. Тиж так, фотоґрафиї єй були викладани и на других ґрупних виставох, а мала и два самостойни вистави – у Школи у Керестуре и у Руским културним центре у Новим Садзе.

Жада робиц у модней, лєбо у документарней фотоґрафиї у даяких новинох.

Андреово слики можеце поопатрац и ту: https://www.facebook.com/Andrea-Photography-659309710820635/?fref=ts