СУБОТИЦА – Тогорочни род жита над просеком, а польопривреднїки най причекаю з його предаваньом, односно лєпшу цену – гварел вчера предшедуюци Управного одбору Асоцияциї польопривреднїкох Мирослав Киш, а преноши Танюґ.
Совитовал же би, хто може, жито зачувал у маґазинох и чекал най подрагши, бо є, як гварел, прешвечени же цена жита будзе вельо векша як тераз.
По його словох, продукователє котри применєли добри аґротехнїчни мири маю урожай и до 8 тони по гектаре, алє то нє значи же буду мац и добри приход.
На Продуктней берзи у Новим Садзе зазначени перши тарґованя з тогорочним житом и ярцом – жито на берзи предаванє по 16,50 дин. за кґ, без ПДВ, а статкови ярец по 15,20 дин. за кґ, тиж без ПДВ.
На берзи оценюю же остатня цена жита нє обєктивна и же обчекую пороснуце на 17 дин. за килограм.