НОВИ САД – Розписани конкурс за додзельованє средствох церквом и вирским заєднїцом у Автономней покраїни Войводини (АПВ). За тоту намену Покраїнски секретарият за образованє, предписаня, управу и национални меншини-заєднїци опредзелєл 21,4 милиони динари.
Конкурс тирва по 18. марец, а мож конкуровац за доставанє пенєжу з будовательнима проєктами, та проєктами з обласци гуманитарних и наукових роботох. На конкурсу можу участвовац реґистровани церкви и вирски заєднїци, лєбо орґанизациї и установи хторим су снователє.
Прияви можу буц на сербским, лєбо на язику националней меншини хтори ше урядово хаснує у АПВ.
До огляду буду брати лєм прияви пополнєти на окремних конкурсних формуларох, а мож их зняц на интернет-адреси www.vojvodina.gov.rs/sr/документа/конкурс-за-доделу-средстава-црквама-и-верским-заједницама-које-делују-на-територији, лєбо превжац на Писарнїци покраїнских орґанох управи у Новим Садзе.
Документацию мож придац особнє на Писарнїци покраїнских орґанох управи, лєбо послац по пошти, на адресу: Покраїнски секретарият за образованє, предписаня, управу и национални заєднїци, Булевар Михайла Пупина 16, 21 000 Нови Сад. На прияви треба прецизно назначиц за хтору намену ше вимага средства