Чанак: Автономия Войводини за пременку Сербиї на лєпше

автор ртв/зам
885 Опатрене

БЕОҐРАД – Предсидатель ЛСВ Ненад Чанак визначел же тота странка уж 25 роки активни член политики у Сербиї. За новини „Данас” гварел же найвекше политичне розчарованє за ЛСВ було одношенє демократскей опозициї Сербиї спрам Войводини.

Чанак додал же тота странка обчековала же ше з одходом Слободана Милошевича пременї одношенє спрам Войводини, кед вон утаргнул єй автономию.

Коментаруюци наяви пременки Уставу, Чанак оценєл же проблем з Уставом у тим же вон вше приношени як рамик у хторих будзе владац актуална политична ґарнитура, а нє як рамик у хторих ше держава будзе розвивац.

– Треба нам вименка Уставу хтора виправи нєправди спрам власних гражданох, хтора престанє гамовац европски интеґрациї, хтора нє дошлєбодзи же бизме ше нєодлуга нашли у ситуациї же, поведзме, Уставни суд бранї державу од автономиї Войводини, а нє бранї ю, поведзме, од клерикализациї держави, гоч по Уставу Сербия секуларна жем. У найкратшим, нє думам же було яке мертве слово на паперу у Сербиї може було цо пременїц – гварел лидер ЛСВ.

Чанак тиж визначел же автономия Войводини политичне, а нє лєм економске або културне питанє.

ЛСВ вчера у Сербским народним театру у Новим Садзе шветочно означела 25 роки снованя странки, хтора основана 14. юлия 1990. року, а од початку по нєшка, на чолє ЛСВ Ненад Чанак.

 

ПОВЯЗАНИ ТЕКСТИ