РУСКИ КЕРЕСТУР – У другим службеним змаганю у Медзиопштинскей лиґи Зомбор, шахисти керестурского Русину победзели Липар зоз 3,5:2,5 и тераз су на шестим месце на таблїчки.
Побиди за Русин вивойовали Евґениє Медєши (мл.), Звонко Медєши и Борис Варґа, а Мирко Афич ремизовал. Змаганя страцели Михайло Венчельовски и Жельо Будински.
На нєдзелю Русин бави у Керестуре, у просторийох Спортского дружтва у Старей школи, процив екипи Лемеш зоз Светозар Милетичу. Змаганє почина на 10 годзин.