КРИНЇЦА (ПОЛЬСКА) – XVI Шветови конґрес Русинох Руснацох Лемкох (ШК РРЛ) и X Шветови форум русинскей младежи отримани од 9. по 11. септембер у Кринїци у Польскей.
Вибрани нови-потерашнї предсидатель Шветовей ради (ШР) Штефан Лявинец з Мадярскей, нови и члени ШР, а медзи нїма и предсидатель Рускей матки Дюра Папуґа, хтори бул и у прешлим составе. Вибрани и нови члени Форуму младежи, як и предсидателька Хелена Штефановска зоз Польскей, а нашу младеж представяла Доротеа Будински.
На Конґресу представителє 9 делеґацийох винєсли звити о своєй дворочней роботи, у мено РМ звит поднєсол Дюра Папуґа.
Вибрани нови и предсидателє и члени Конґресних комисийох. У роботи комисийох участвовали и нови члени, а зоз нашей делеґациї то були проф. др Михайло Фейса хтори вибрани и за предсидателя Комисиї за историю, у Комисиї за културу член будзе Наташа Макаї Мудрох, док у Комисиї за просвиту Наташа Перович. У Комисиї за туризем и ґранти др Ярослав Катона, а у Комисиї за информованє и видавательну дїялносц Зинаида Будински. У делеґациї РМ на Конґресу ище були и Янко Гарди и Иґор Перович.
Як вигласали делеґати ШК зоз векшину гласох, шлїдуюци XVII Шветови конґрес 2023. року будзе отримани у Новим Садзе.