НОВИ САД – Пондзелок, 29. юния, у будинку Ректорату означени Дзень Универзитету у Новим Садзе (УНС) и 55 роки його роботи. З тей нагоди представени и нови докторе наукох, а особом котри мали уплїв на розвой Универзитету уручени грамоти и припознаня.
Предсидатель Влади Войводини Боян Пайтич на шветочносци гварел же дзекуюци УНС у Новим Садзе и Войводини створени амбиєнт за сектор информацийних технолоґийох (ИТ), яки постої у найрозвитших державох. ИТ сектор и з боку занятих на Универзитету препознати як потенциял за розвой целей покраїни.
Державни секретар у Министерстве просвити, науки и технолоґийного розвою Александар Белич гварел же УНС єдна з наших водзацих науково-виглєдовацких високошколских установох, хтора остатнї час з помоцу нових знаьох допринєсла значним привредним резултатом, а визначел же снованє институту „Биосенс“ у рамикох УНС допринєше ище значнєйшому розвою ИТ.
На шветочносци грамоти о додзельованю почесних докторох наукох уручени проф. др Сонтак Лию з Републики Кореї, проф. др Чусаку Лимсакулу з Тайланду и проф.др Хайнцови Брандлови з Австриї, котри уж длугши час сотрудзую з УНС.