ДЮРДЬОВ/ҐОСПОДЇНЦИ – На швето Богоявленє по юлиянским календаре вчера, 19. януара, у дюрдьовскей церкви Рождества Пресвятей Богородици и ґосподїнскей церкви Святого архангела Михаїла була Литурґия Богоявлєня Господнього и чинодїйство пошвецаня Богоявлєнскей води котру служел домашнї священїк о. Михаил Холошняй.
Дзень пред тим, пондзелок 18. януара, у дюрдьовскей и ґосподїнскей церкви було Повечериє вельке и Утриня.
Спомнути Служби у дюрдьовскей церкви могло провадзиц на живо на Фейсбук профилу о. Михаила Холошняя, а на нїм мож накнадно и одпатриц знїмки Службох.
Того року, пре епидемиолоґийни мири, о. Михаил Холошняй нє будзе по валалє пошвецац обисца, алє тото вирни можу самостойно окончиц.
