РУСКИ КЕРЕСТУР – Школяре 3. и 4. класи керестурскей Основней школи вовторок, 29. децембра, до парохийного Каритасу придали назберани прилоги з Крачунского вашару, хтори нєдавно отримани у Школи „Петро Кузмяк”. Зоз школярами були и їх учительки, професорка зоз штреднєй школи и директорка Школи Хелена Пашо Павлович. Назберана помоц наменєна дзецом котрим то потребне.
Школяре з тей нагоди виведли коляди и новорочну шпиванку, а потим директорка Школи бешедовала о рижних гуманитарних акцийох хтори ше у Школи орґанизує цали рок за дзеци котрим то потребне.
Школяром на гуманитарних прилогох подзековал керестурски парох о. Михайло Малацко и наглашел же дарованє то велька радосц, а кед ше таки чесноти пестує – з дзецох постаню добри людзе.
З парохом на тим приєму бул и владика з Канади, кир Браян Байда, котри бешедовал о милосердию, а потим школярох обрадовал з маджионичарскима фиґлями.
На концу, на нєформалним друженю, волонтере Каритасу погосцели госцох зоз Школи.