Школяре успишни на Републичним змаганю з руского язика

автор бас
962 Опатрене

ДЮРДЬОВ – На 15. Републичним змаганю зоз руского язика и язичней култури, котре вчера отримане у Основней школи „Йован Йованович Змай” у Дюрдьове, участвовали школяре седмих и осмих класох зоз основних школох у хторих ше настава орґанизує по руски и школох у хторих ше руски язик виучує як виборни предмет зоз елементами националней култури.

На змаганю присутних привитали и учашнїком пожадали успих на змаганю Мария Тртич, директорка дюрдьовскей ОШ, Мария Самарджич, наставнїца руского язика у тей школи и Ирина Папуґа, секретар Дружтва за руски язик, литературу и културу котре у сотруднїцтве зоз тоту школу орґанизовало змаганє.

Резултати тестох були барз добри, бо од штерацецерих учашнїкох шицки завжали даєдно од перших трох местох за котри ше достава припознаня и додатни боди на упису до стреднєй школи.

2 - 02

На змаганю котре финансийно потримало Министерство просвити Републики Сербиї участвовали школяре зоз основних школох зоз Руского Керестура, Коцура и Дюрдьова дзе ше руски язик учи у порядней настави, и школяре з основних школох зоз Нового Саду, Вербасу, Кули, Ветернику, Бачинцох, Шиду, Савиного Села, Сримскей Митровици, Бачкей Тополї и Сримскей Каменїци, дзе ше руски язик учи факултативно.

ПОВЯЗАНИ ТЕКСТИ