РУСКИ КЕРЕСТУР – Школяре Штреднєй школи „Петро Кузмякˮ, напряму туристични технїчар, од 13–18. септембер буду пребувац у мадярским городу Калоча, на калоцких „Дньох паприґиˮ.
Тото пребуванє то врацанє нащиви городу Калоча, котри були на „Дньох традициїˮ у Кули, з оглядом же город Калоча побратимени зоз Кулу. На тей манифестациї будзе орґанизована кулска улїчка у Калочи, дзе свойо продукти виложа рижни здруженя зоз кулскей оштини.
Штиром керестурским школяром туристичного напряму то буде свойофайтова пракса. Школярки того напряму буду облєчени до народних облєчивох – єдна будзе у руским, єдна у сербским и два школярки у мадярским народним облєчиве.
Школярки, котри спред Штреднєй школи будзе предводзиц Любица Няради, прикажу продукти наших здруженьох зоз валалу, та Калочаном понукню сувенири зоз „Байкиˮ, продукти зоз паприґи и швижу паприґу и зоз рижнима продуктами представя керестурски здруженя.