МУКАЧОВ/РУСКИ КЕРЕСТУР – Всоботу, 17. септембра, у Мукачове, у України, отримани Медзинародни турнир у одбойки за штредньошколцох, на хторим участвовали и школяре рускокерестурскей Штреднєй школи „Петро Кузмяк”. На турнире ше змагали шейсц екипи – з України, Словацкей и зоз Сербиї, а орґанизатор турниру було Крайове здруженє подкарпатских Русинох з Мукачова, хторому на чолє Микола Бобинєц.
После одбавених змаганьох по ґрупох керестурска екипа, хтору чишлєли штири дзивчата и двоме домашнї хлапци, мали два пораженя. На концу, пре лєпши сет-количнїк, екипа з Руского Керестура завжала пияте место на турниру.
Зоз школярками-одбойкашками з Школи „Петро Кузмяк” у Мукачове були їх професоре Славко Пап и Янко Хома.
Одход екипи з Керестура до України финансийно потримали Национални совит Руснацох и Руска Матка, а здогаднїме же Медзинародни турнир у одбойки за штредньошколцох скорей отримовани и у Руским Керестуре, у орґанизациї домашнєй Школи.