НОВИ САД – На ютре, 10. новембра, у Новим Садзе будзе отримана пията Реґионална конференция пошвецена меншинским и локалним медийом, хтору орґанизую „Мадяр со”, „Герор медия поинт”, Асоцияция медийох и „Giacomelli media”, под покровительством ресорного републичного министерства и покраїнского секретарияту.
Конференция ма назву „Заєднїци нового часу”, так же централна тема будзе значенє и припадносц заєднїцом, а у контексту розуменя идентитетох, културох и позицийох меншинских и локалних медийох у чаше интензивних пременкох у сучасним дружтве.
На Конференциї, хтора ютре будзе у новосадским дворцу Едьшеґ, будзе присуствовац и директорка НВУ „Руске слово” Мартица Тамаш.