НОВИ САД – На СПЕНС-у у Новим Садзе на ютре, 10. децембра, будзе 17. „НС Концерт рока”, на хторим наступя состави „Ґоблини”, „Ван Ґоґ”, „Ритам нереда”, „Бєсови”, „Директори” и перши раз „Урбан & 4”, „Коля и ґробовласници”, „Irie FM”, „Човек Вук”, док Концерт отворя млади и нєафирмовани бенди, побиднїки 50. заєчарскей „Ґитарияди” и „Ґитарияди Войводини” у Кисачу – состави „Хаджи продане душе” и „Гарлекин”.
Концерт у Велькей сали СПЕНС-у почнє на 16 годзин, а од 19 годзин програму директно будзе преношиц Перша програма радия РТВ (Радио Нови Сад, на 87,7; 99,3 и на 99,6 меґагерци и на штреднїх габох 1269). Пренос того рок-спектаклу будзе часц специялней живей програми у хторей слухаче годни чуц и интервюи и вияви актерох НС Концерту рока, упечатки нащивительох и почувствовац атмосферу у гали.
НС Концерт годно слухац и директно прейґ интернету, на адреси https://www.rtv.rs/sr_lat/uzivo.