Ютре означованє 165-рочнїца доселєня Руснацох до Миклошевцох

автор дюлї
1.1k Опатрене

МИКЛОШЕВЦИ – На ютре, 15. новембра, у Миклошевцох будзе означени вельки ювилей – 165-рочнїца доселєня Руснацох до того места. Шветочносц почнє зоз Службу Божу у миклошевскей грекокатолїцкей церкви на 10,15 г., а потим на 13 г.   будзе Шветочна схадзка з нагоди ювилею.

На Шветочней схадзки месних здруженьох домашнї обчекую и госцох – представительох локалней самоуправи зоз жупаниї и општини, руских здруженьох з Горватскей, як и Руснацох зоз Сербиї, односно Войводини.

На Шветочней схадзки будзе представена и Фотомоноґрафия Дюру Лїкара „Миклошевци под сримским нєбом”, а у музичней програми участвую домашнї шпиваче и  госци з Петровцох и Вуковару.

После промоциї будзе отворена вистава старих фотоґрафийох, хтору пририхтали членїци Активу женох, а буду виложени и ручни роботи наших предкох, з дальшей и блїзшей прешлосци.

Шветочносц з нагоди ювилею приселєня орґанизує окремни Орґанизацийни одбор, а покровитель шветочносци жупан Вуковарско-сримскей жупаниї Божо Ґалич.

ПОВЯЗАНИ ТЕКСТИ