Ютре о додаткох за наставни плани на язикох меншинох

автор зам
1k Опатрене

БЕОҐРАД – У Заводзе за унапредзенє образованя у Беоґрадзе на ютре, 18. новембра, будзе отримана роботна схадзка з представителями националних совитох (НС-ох) националних меншинох у Сербиї о вирабяню додаткох за наставни плани на язикох меншинох у основних и штреднїх школох.

Координация НС-ох националних меншинох ище скорей порушала инициятиву же би ше за кажду меншину на хторей ше одвива настава у Сербиї виробело и обявело додатки за наставни плани за историю/природу и дружтво, та за музичну и подобову културу.

З представителями НС-ох, медзи нїма и Одбору за образованє НС Руснацох, директорка Заводу за унапредзенє образованя Александра Беґович ше на ютре догвари о роботи на вирабяню спомнутих додаткох.

ПОВЯЗАНИ ТЕКСТИ