НОВИ САД – У ютрейшим ТВ Маґазину по руски будзе емитовани звит з фахово- едукативней роботнї за танєчнїкох и хореоґрафох, хтора отримана у Руским Керестуре, о отримованю шмециска у Дюрдьове, як и прилоги з манифестацийох „Петровски дзвон” у Петровцох, у Горватскей, „Привит лєту” у Вербаше и „Веселинка” у Новим Садзе.
Пририхтани и прилог о актуалносцох з польопривреди, як и о предносцох нащивйованя школи за положнїци.
Як кажду нєдзелю, ТВ Маґазин будзе емитовани на Другей програми РТВ на 20 годзин, а реприза на штварток на 16,10 и на пияток на 5,30 годзин.