КУЛА – Польопривреднїки з местох кулскей општини на ютре, 3. новембра, на окремней роботнї буду упознати з можлївосцами преджатвового финансованя. Роботня будзе на 11 годзин у Малей сали Скупштини општини Кула.
Закон о преджатвовим финансованю пред роком прилапени у Народней скупштини, а важи од 1. юния того року.
Пре цо лєпше упознаванє и информованє польопривреднїкох о можлївосцох финансованя на основи того закона, Министерство польопривреди и защити животного штредку, вєдно з Европску банку за обнову и розвой, почало орґанизовац едукативни каравани у городох и општинох у Сербиї, дзе єден таки будзе и у Кули.
На ютрейшим преподаваню, отвореним за шицких заинтерсованих, буду преподавац представителє Министерства польопривреди, Аґенциї за привредни реґистри и ФАО – Орґанизациї за поживу и польопривреду Зєдинєних нацийох, з хторим тиж орґанизована тоти едукативни роботнї.