ВЕРБАС – Општина Вербас концом прешлого року основала роботни ґрупи за унапредзенє услугох социялней защити у пейц програмох – потримовка фамелиї, потримовка дзецом и младим, потримовка старшим гражданом, потримовка Ромом и потримовка инвалидом.
Як пише портал Општини Вербас, Роботна ґрупа тих дньох предлужела роботу зоз спатраньом потребох за унапредзенє социялней защити за старших гражданох, а у нєй участвовали представителє Ґеронтолоґийного центру Вербас, Општинскей ради, Центру за социялну роботу Општини Вербас и Здруженя пензионерох, а координаторка Ґрупи директорка Ґеронтолоґийного центру Вербас.
Констатоване же вше вецей єст потреби за розвой хранительского змесценя за стари особи, доставанє цудзого допатраня и помоци, а винєшена и идея направиц центер за дньове пребуванє старих особох. Представителє здруженьох пензинерох виражели потребу за векшима и комфорнєйшима просториями у хторих би могли окончовац свою роботу.
Шицки предкладаня у наиходзацим периодзе буду дефиновани у Програми за унапредзеанє социялней защити старших гражданох општини Вербас.