БЕОҐРАД – У Сербиї штредня нето плацa виплацена у юнию того року виношела 45 450 динари, цо номинално за 5,7 одсто, а реално за 5,6 проценти вецей як у предходним мешацу, обявел Републични завод за статистику.
Штредня юнийска нето плаца у одношеню на исти мешац прешлого року номинално була векша за 4,2 одсто, а реално за 3,9 одсто.
Штреднї бруто заробок виплацени у юнию того року бул 64 019 динари, цо у одношеню на май номинално вецей за 5,8 одсто, а реално за 5,7 одсто. У поровнаню з юнийом прешлого року, номинално є векши за 4,4 , а реално за 4,1 одсто.