КОЦУР – Искра з Коцура вчера на домашнїм терену у 16. колє Медзиопштинскей лиґи Вербас-Титель-Жабель з першопласованим Милетичом з Мошорину бавела нєришено – 2:2, а нє вельо хибело же би Милетич дожил перше пораженє у першенстве.
До половки другого полчасу Искра водзела з 2:0 и була вельо лєпша од госцох, медзитим, теди ґолман Искри Медурич без причини вдерел єдного госцуюцого бавяча без лабди и достал червени картон. Милетич вихасновал бавяча вецей и до конца вировнал на 2:2.
После того кола Искра на 5. месце на таблїчки з 28 бодами, а у шлїдуюцим колє госцує у Ґардиновцох процив Гайдука.