РУСКИ КЕРЕСТУР – Вчера, по Архиєрейскей Служби Божей, владика кир Георгий з домашнїм парохом о. Михайлом Малацком на парохиї приял предсидателя Националного совиту (НС) Руснацох и членох Вивершного одбору НС.
Предсидатель НС Славко Рац, подпредсидателє Совиту и члени ВО Микола Шанта и Наташа Регак, як и предсидатель ВО НС Желько Ковач владикови повинчовали крачунски швета и поинформовали го о планох роботи НС у новим зволаню.
Чолнїки НС поволали владику Георгия на означованє Националного швета Руснацох 17. януара у Вербаше, а поинформовали го и о роботох на витворйованю велького проєкту хтори очолює др Йоаким Стрибер з Централного институту за конзервацию з Беоґраду, котри тиж присуствовал на приєму при владикови.
Як то уж традиция на Крачун, владика Георгий после Служби вчера приял и членох Церковного одбору керестурскей парохиї и Мишаного хору, котри му повинчовали швето.
