МИКЛОШЕВЦИ (ГОРВАТСКА) – Штварток, 21. новембра, подзвугнута нова турня на миклошевску Церкву Рождества Пречистей Дїви Мариї.
Прешлого року, Миклошевци залапела велька буря котра очкодовала криж на турнї. Одлучене же би ше турню обновело. Як гвари парох о. Роман Ступяк, парохия од скорей зберала пенєж, глєдана финансийна помоц и з других бокох, а помогло и Крижевске владичество.
З одлуку Крижевского владичества, направена нова турня по углядзе на стару. Древова конструкция з чарного ядловца и плеху цинкотит котри хвильково блїщаци алє о даєден час достанє свою защиту и будзе шивей фарби. Попри того, криж на турнї и числа з котрима виписани рок кеди збудована церква, направени зоз иноксу котри буду давац контраст и блїщиц ше.
Вкупни трошки знїманя, правеня, дзвиганя як и надпатрунку правеня турнї буду коло 170 тисячи евра.
Стари криж останє зачувани, нє будзе ше го реставрирац, а парохова задумка же би бул виложени у порти коло церкви як памятнїк.
