БЕОҐРАД – Вчера у Беоґрадзе почал атлетски митинґ „Belgrade Indor Meeting 2025” у нас орґанизовани по дзешати раз, а того року є першираз златного статусу.
Златни митинґ, файта спортского змаганя хтора у катеґориї найлєпших митинґох у дворанох и єст их лєм 9 на цалим швеце дзе мож видзиц найлєпши квалитет у атлетики.
Публика годна уживац у 10 атлетских дисциплинох, а од интернационалних змагательох очекує ше леґенди атлетики, єден з нїх вецейнїсти олимпийски, шветови и европски атлетичар у скоку до далєка Милиадис Тентоґлоу, спринтер Рони Бейкер, атлетичарки, Надин Висер и Зайнаб Досо…
Од наших спортистох участвує Анґелина Топич у скоку до висока, як и Асмир Колашинац у руцаню кулї, хтори наявел и одпитованє од дальших змаганьох.
Митинґ потримал Город Беоґрад и Секретарият за спорт и младеж. Змаганє гуманитарного характеру, а у орґанизациї и наш бувши атлетичар, дзешецбоєц Михаил Дудаш.