БЕОҐРАД – Дворочна забрана анґажованя нових кадрох у явним секторе престанє важиц од 1. януара, пише „Данас”.
Державни секретар у Министерстве державней управи и локалней самоправи Иван Бошняк гварел же з приношеньом Закона о способе утвердзованя максималного числа занятих предвидзене утаргованє тей забрани.
Под час забрани анґажованя нових роботнїкох було почежкосци у функционованю дзепоєдних институцийох и установох, хтори од Влади Сербиї мушели глєдац дошлєбодзенє за анґажованє потребних кадрох. Як пише „Данас”, найвецей особи достали роботи у полициї и здравстве.
Як гвари Бошняк, за тоти два роки гражданє, алє и привреда, були очкодовани пре нєдостаток роботнїкох у образованю, економским фаху, та штрелячох процивкаменцових ракетох, ґеронтолоґийних шестрох и других кадрох.