ШИД – Подруче општини Шид пондзелок, 7. юлия, коло 14 годзин залапела буря хтора дула коло 10-15 минути и спричинєла одредзени чкоди.
На будинку Основней школи „Сримски фронт” моцни витор потаргал єдну часц плехового закрица. На спомнутей школи уж були вельки чкоди и пред двома роками кед 19. юлия була велька буря, а тиж на подручу општини було и поламани древа и конари на стеблох.
Як за Рутенпрес гварел овоцар Звонко Гнатко, у Бикичу витор досц очкодовал грушки хтори поодпадовали, а на брескиньох и яблукох нє було чкоди.
Вчера на поладнє бул менши запор з гирменьом, температура була и за 10 ступнї нїзша, пополаднє було слунечне, а пред вечаром ше ознова похмарело з напряму Републики Горватскей и коло 18 годзин ознова плющало, без гирменя и витру.
Косидба жита при концу, а диждж хтори спаднул и хтори ше обчекує и нєшка поможе кукурици, сої и слунечнїку, алє и заградом, винїцом и овоцнїком.