БЕОҐРАД – Понеже подписани Меморандум за його набавянє, одредзени количества кубанского лїку Cimavax EGF, хтори ше хаснує у терапиї хорих од рака плюцох, нєодлуга сцигню до Сербиї. Меморандум о набавяню вакцини з кубанским Институтом CIMAB подписал наш Институт за вирусолоґию, вакцини и серуму „Торлак”.
Меморандум подписани за набавку 1 680 єдинкох вакцини Cimavax EGF, обявене на сайту Министерства здравя, а тераз ше продукує догварени количество за Сербию.
Обезпечени количества лїку достаточни за цалосну терапию за 30 пациєнтох, а у Сербиї ше го будзе хасновац як клинїчну студию, бо лїк ище нє реґистровани у Сербиї, анї у ЕУ.