ДЮРДЬОВ – Шлїдуюцей соботи, 6. децембра будзе Шветочни концерт з нагоди ювилея 80-рочнїци од снованя Културно-уметнїцкого дружтва „Тарас Шевченко”.
На концерту попри терашнїх, наступя и дакедишнї члени секцийох, котри участвовали у роботи Дружтва пред дзешец, двацец, трицец, штерацец и вецей роки.
Шветочни концерт почнє на 19 годзин у спортскей гали Основней школи „Йован Йованович Змай” у Дюрдьове, на програми будзе вецей як двацец точки, а буду участвовац бувши и терашнї аматере Дружтва зоз вецей секцийох и у вецей возростних ґрупох.
Наступя шейсц возростни ґрупи фолклорашох – дзецинска, пририхтуюца, виводзацка, як и три ґрупи ветеранох младша, штредня и страша. Зоз шпивацкей секициї насупи надалєко припозна женска жридлова шпивацка ґрупа чийо членїци буду найстарши на концерту, потим два женски шпивацки ґрупи и єдна дзивоцка шпивацка ґрупа.
Участвовац буду и солисти: Микола Хромиш, Марко Радишич и Михаил Рамач. У рецитаторскей секциї наступя: Валентина Салаґ, Верица Варґа, Златко Канюх и Милица Михальовски.
Фолклорни и шпивацки ґрупи будзе провадзиц оркестер Дружтва у котрим буду грац и ветеранє музичаре.
На шветочносци, як госц будзе участвовац сербске Културно-уметнїцке дружтво „Бранислав Нушич” зоз Дюрдьова.
Уходнїца будзе 300 динари.