ЖАБЕЛЬ – У парку Присоєдинєня у Жаблю, вовторок, 23. децембра святочно отворене шлїзкалїще „Лядова сказка”. Пред тим у зогратей шатри виведзена кратка Новорочна представа „Ирвас зоз Африки”.
У цеплей шатри отримана и креативна роботня „Новорочни прикраски”, як и рисованє по тварох за дзеци, а цали час дзеци ше могли дружиц зоз маскотами.
Шлїзкалїще будзе отворене по 20. януар шлїдуюцого року. Корчолї ше видава на годзину за 150 динари, а єст числа од двацец седем по штерацец седем.
Орґанизатор вечара Туристична орґанизация општини Жабель и Општина Жабель котра финансиєр.
