РУСКИ КЕРЕСТУР – Вишло нове число християнского часопису Дзвони хтори видава керестурска парохия св.о. Миколая.
У тим виданю мож почитац о духовним значеню Вельконоцного посту, о плодох прешлого Ювилейного року як и о новим Ювилейним року св. Франциска.
Ту и тексти з церковней историї – 100 роки од путованя владики Дионизия Нярадия до Риму з нагоди Ювилейного 1925. року, а од того числа и написи о историї Українскей папскей семинариї св. Йосафата у Риме, дзе ше школовали велї нашо священїки.
У рубрики Водицово дожица мож почитац о нащивох тому святилищу и о єдним духовним шведоченю о достатих ласкох.
Млади мали духовну обнову и стретнуце Слово живота, а ту и текст Слова живота за фебруар.
Подїї з церковного живота по наших парохийох и у швеце мож пречитац и у тим виданю Дзвонох.
Предплата за християнски часопис Дзвони 1.500 динари.