РУСКИ КЕРЕСТУР – Польопривредна фахова служба Зомбор, у сотруднїцтве зоз польопривредним инспектором Драґаном Безбрадицом, орґанизує акцию збераня одпадней амбалажи од пестицидох.
Амбалажу од пестицидох треба зберац и чувац, та док ше обяви точни термин кеди превозка за зберанє одпаду придзе до Руского Керестура, теди амбалажу годно однєсц до Землєдїлскей задруґи Керестурска паприґа.
Конкретни термин будзе благочасово обявени, найвироятнєйше даєден дзень у юнию.