ДЮРДЬОВ – Ттогорочни 23. Фестивал жридлового шпиваня „Най ше нє забудзе”, будзе отримани на соботу, 22. авґуста.
Домашнї обчекую же ше приявя шицки нашо дружтва котри пестую жридлово шпиванє. Пропозициї за облєчиво и шпиванє остали исти – жени, дзивки и хлопи маю буц облєчени до руского народного шветочного облєчива, жени вивязани до фитюли дзивки до баршоню, а хлопи можу мац калап на глави. Наступ и далєй огранїчени на два шпиванки, єдна муши буц виведзена акапела.
Прияви за участвованє мож послац на имейл matka.djurdjov@gmail.com.
Окрем змагательней часци, на Фестивалу будзе и ревиялна часц у котрей буду участвовац госци, шпивацки ґрупи. Орґанизаторе з дюрдьовского Дружтва и того року планую тематску виставу у Рускей школи.
Фестивал жридлового шпиваня „Най ше нє забудзе” почнє 22. авґуста, на 20 годзин у дворе Основней школи „Йован Йованович Змай” у центре Дюрдьова, а пополадню, найвироятнєйше од 18 годзин будзе отворена тематска вистави у Рускей школи