ШИД – У ранших годзинох, стреду 13. мая, вибухнул огень у часци Явного комуналного подприємства „Стандард” у Шидзе, а по нєурядових информацийох, огень залапел ганґари у хторих були паркирани камиони та подполно згорели и даскельо превозки.
На терен швидко сцигли огньогасни екипи хторим ше удало локализовац и загашиц огень, зоз чим зопарте дальше ширенє огня на околни будинки.
Зоз ЯКП „Стандард” сообщели же спричинєна велька материялна чкода а покалїчених нєт. Причина прецо пришло до огня будзе позната по вишлїдзованю одвичательних службох.