ДЮРДЬОВ – Добредзечне огньогасне дружтво Дюрдьов на соботу, 6. юния орґанизує препатранє апаратох за гашенє огня, пре наиходзацу тлачидбу.
Апарати будзе препатрац фахова особа, а сервис и потвердзенє же апарат исправни будзе ше наплацовац 600 динари. Апарати на препатрунок мож принєсц од 8 по 15 годзин до просторийох ДОД Дюрдьов (Краля Петра Першого 63, Дюрдьов).
Погубени и празни апарати сервисер будзе мушиц однєсц до Нового Саду же би их адекватно оправел и наполнєл. О тим кеди ше их годно достац назад и други информациї мож достац при огньогасцох Милошови Малеш на число телефона 060/300-60-75, або при Желькови Чолич на число телефона 063/190-28-00.